Затрыманні ў Наваполацку і ў Навалукомлі
На наваполацкіх прадпрыемствах «Нафтан» і «Палімір» цягам тыдня затрымалі 10 чалавек. Пра гэта паведаміў «нафтанаўскі» закрыты тэлеграм-канал. Затрыманым прысудзілі адміністрацыйныя арышты, і выказваецца меркаванне, што па адбыцці работнікі будуць звольнены. Пра масавыя звальненні даходзяць звесткі і з Навалукомлю: кажуць, што за апошні час каля 100 супрацоўнікаў Лукомскай ДРЭС звольніліся нібыта «па ўласным жаданні», але такі масавы добраахвотны сыход работнікаў не выглядае на натуральную з'яву.
Экстрэмісцкай прызналі групу ў «Одноклассниках», створаную Аленая Янушкоўскай
Віцебская відэаблогерка Алена Янушкоўская набыла шырокую вядомасць, стварыўшы відэаканал «Настоящая Беларусь», дзе паказвала хібы мясцовага жыцця насуперак «прыгожай карцінцы», якую паказваюць на беларускім тэлебачанні. Паралельна яна стварыла групы ў розных сацыяльных сетках, каб інфармаваць найбольшую колькасць сваіх падпісчыкаў. Цяпер група ў «Одноклассниках» пад назовам «Елена Янушковская НАСТОЯЩАЯ БЕЛАРУСЬ» залічана ў спіс экстрэмісцкіх інфармацыйных матэрыялаў.
У Мёрах стане менш калонак вады
Пра гэта паведаміў намеснік дырэктара па эксплуатацыі раённых аб’ектаў ВКГ участка водаправодна-каналізацыйнай гаспадаркі Мёрскага раёна Юрый Мяцеліца.
Крымінальную справу Уладзіміра Булаўскага перадалі ў пракуратуру
Калі ў пракуратуры зробяць высновы, што ніякіх недахопаў у рассладаванні справы віцебскага музыкі і артменеджара няма, то Уладзіміра Булаўскага неўзабаве будуць судзіць. Яго вінавацяць паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх), і ягоная справа звязаная з удзелам у мірных пратэстах у жніўні-верасні 2020г. З 14 снежня мінулага году Булаўскі знаходзіцца ў віцебскім СІЗА-2.
За 2022 год Браслаўскай інспекцыяй аховы жывёльнага і расліннага свету выяўлены 103 парушэнні
Як паведаміў сайту klich.by старшы дзяржінспектар Браслаўскай міжраённай інспекцыі аховы жывёльнага і расліннага свету Вадзім Ягоранкоў, супрацоўнікамі Браслаўскай міжраённай інспекцыяй за 2022 год было выяўлена 103 парушэнні прыродаахоўнага заканадаўства ў сваёй зоне адказнасці, з іх — 38 парушэнняў у сферы рыбалоўства. правілаў палявання, 36 - парушэнняў па лесакарыстанні і 18 - іншых парушэнняў.
Улады гатовы пакрыць выдаткі вытворцам тавараў у іх прасоўванні і рэкламе за мяжой
Віцебскія ўлады прыняў рашэнне пакрыць выдаткі тым прадпрыемствам і фірмам, прадстаўнікі якіх сёлета прымуць удзел у міжнародных спецыялізаваных выставах і кірмашах, якія праводзяцца ў замежных дзяржавах. У пералік увайшлі 28 мерапрыемстваў у васьмі краінах блізкага і далёкага замежжа.
У Браслаўскім раёне ў базу дармаедаў уключылі 10% усяго насельніцтва раёна
У Браслаўскім раёне на дадзены момант налічваецца звыш 2,5 тысячы чалавек, уключаных у базу даных працаздольных грамадзян, не занятых у эканоміцы. Піша сайт braslav-star.by. Гэта складае 10% ад усяго насельніцтва раёна, бо па дадзеных за 2018 год у раёне жыве 25.5 тысяч чалавек.
Супрацоўнікаў Полацкага гісторыка-культурнага музея-запаведніка Ігара Бортніка і Ігара Супранёнка перавялі ў СІЗА-2
Пра гэта стала вядома навінаваму рэсурсу «Позірк» ад крыніцы, якая прасіла не называць сваіх дадзеных. Бортніка і Супранёнка перавялі ў віцебскі следчы ізалятар падчас адбыцця арыштаў, прычым для кожнага з іх гэта быў другі запар арышт, прысуджаны па адміністрацыйных справах. За краты мужчыны трапілі ў выніку міліцэйскага хапуну 29 і 30 сакавіка, калі былі затрыманыя 11 былых і цяперашніх супрацоўнікаў Полацкага музея- запаведніка. Ва ўсіх правялі ператрусы, забралі кампутары і мабільныя тэлефоны, а пазней асудзілі па адміністрацыйных справах. Як стала вядома праваабаронцым, загадчыца экспазіцыйнага аддзелу Тамара Джумантаева была звольнена падчас адбыцця прысуджанага арышту.
Глыбоцкі суд аштрафаваў маці дваіх непаўнагадовых дзяцей на 2590 рублёў
20 сакавіка суддзя Глыбоцкага раённага суда Людміла Вашчанка аштрафавала настаўніцу-дэфектолага, маці дваіх непаўнагадовых дзяцей Алену Белую.
Мёрскія ідэолагі лічаць, што ідэалагічная работа грае важную ролю ў жыцці грамадства
Ідэолагі Мёршчыны падвялі вынікі сваёй працы. Іх у арганізацыях раёна працуе 27 чалавек. Вырашэнне задачу выкананні параметраў сацыяльна-эканамічнага развіцця, так і ў выхаванні патрыятызму, грамадзянскай адказнасці, захаванні стабільнасці ў грамадстве, на іх думку, залежыць ад дзейнасці кадраў.