Пазбаўленне волі ва ўмовах строгага рэжыму і вялізны штраф атрымаў былы вязень “Віцьбы-3”
У Гомельскім абласным судзе 17 чэрвеня завяршыўся завочны суд над былым палітвязням, юрыстам і праваабаронцам Леанідам Судаленкам. Суд прызнаў праваабаронцу вінаватым і прызначыў яму на падставе ч.1 і ч.2 арт. 361-4 КК пакаранне ў выглядзе пяці гадоў пазбаўлення волі ва ўмовах строгага рэжыму са штрафам у памеры 26 тыс. рублёў. Справу разглядаў суддзя Анатоль Сотнікаў.
Затрыманні і суды на Лепельшчыне
Як стала вядома нядаўна, сілавікі затрымалі ўраджэнца Лепеля Дзяніса Кузьміча, які па версіі сілавікоў "заклікаў людзей" на пратэсты. Видэаролік з ім быў апублікаваны ў праўладным тэлеграм-канале "Кніга ДУ "БАЗА"". Мужчына прапісаны ў Лепелі, але працаваў ужо некаторы час у Менску.
Улады ліквідавалі найстарэйшую жаночую арганізацыю Віцебска
Суддзя Віцебскага абласнога суда Вольга Іллюшонак 19 чэрвеня пастанавіла пачаць ліквідацыю Беларускага грамадскага аб'яднання жанчын «Ульяна». Ініцыятарам закрыцця ГА стала кіраўніцтва Міністэрства юстыцыі краіны.
Тэлерадыёкампанія «Віцебск» выказала праграму пра «экстрэмізм у інтэрнэце»
Галоўная мэта стваральнікаў – паказаць, як раскайваюцца тыя, хто быў аштрафаваны або асуджаны да арыштаў за рэпосты з «экстрэмісцкіх інфармацыйных рэсурсаў». І як яны ўдзячныя адміністрацыям прадпрыемстваў за тое, што іх не звольнілі з працы. Праўда, і фактаў звальненняў па палітычных прычынах удзельнікі перадачы «На кантролі ўлады. Аб'ектыўна» таксама не хваваюць. А яшчэ гэтая перадача – рэверанс у бок пракурораў, сілавікоў і ідэолагаў, якія імкнуцца праводзіць прафілактыку «экстрэмізму ў сацыяльных сетках».
Падлеткам з Глыбокага далі ў рукі аўтаматы Калашнікава і вучылі штурмаваць акопы і памяшканні
Выхаванцы ваенна-патрыятычнага клуба «Паўночны», які прыпісаны да вайсковай часці 5524, якая абслугоўвае глыбоцкую турму, удзельнічалі ў ваенна-палявых зборах. Пра гэта піша сайт мясцовай раёнкі «Веснік Глыбоччыны». На гэты раз падлеткі ўдасканальвалі свае навыкі па розных кірунках на базе вайсковай часці 5530.
Пра 100-годдзе Васіля Быкава ў Віцебску – мінімум інфармацыі
Народны пісьменнік нарадзіўся 19 чэрвеня 1924 года ў вёсцы Бычкі Вушацкага раёна. І толькі там, у аддаленай вёсачцы, дзе засталося усяго з дзясятак жыхароў, да 100-гадовага юбілея Васіля Быкава ладзіцца святочная імпрэза. У Бычках ёсць музей Васіля Быкава, які ў дзень ягоных народзінаў заўсёды прымае вялікую колькасць гасцей.
Жыхарам дома па вуліцы Зялёнай у Паставах уключаць святло даводзіцца вудай
Праблема жыхароў шматкватэрнага дома №11 па вуліцы Зялёнай у Паставах палягае ў тым, што ў іх доме поўны каналізацыйных стокаў і адкідаў падвал. Іх узровень дасягае 15-20 сантыметраў. Там плаваюць бутэлькі, кавалкі гнілых дошак і шмат іншага смецця. Людзі не вытрымліваюць гэтага ўсяго і нядаўна нават вырашылі паскардзіцца на такую сітуацыю ў мясцовую раёнку.
За «экстрэмізм» у сацсетцы ўлады арыштавалі інжынера
Суддзя Першамайскага раёна Віцебска Андрэй Андрушэнка 23 жніўня мінулага года за падпіску ў сацыяльных сетках на "экстрэмісцкія" публікі арыштаваў на 15 сутак Аляксея Люцкага. Пра гэта "правапарушальнік", інжынер электрасувязі "Белтэлекама", нядаўна расказаў у інтэрв'ю беларускаму тэлеканалу ТВ 4 "Віцебск".
Віцебск - «город-хлам»? Жыхарам не падабаецца, як упрыгожваюць абласны цэнтр да будучых імпрэзаў
Віцебскія ўлады распавядаюць ў дзяржаўных СМІ, што ўсе аб'екты, якія збіраліся рэканструяваць да ХІ Форума рэгіёнаў Беларусі і Расіі, гатовыя на 98%. Форум мае адбыцца 26-28 чэрвеня, і ў яго межах збіраюцца адзначыць і 1050-годдзе Віцебска. Не кожны гараджанін трапіць унутр, каб ацаніць, прыкладам, рэканструкцыю гатэля «Віцебск», але кожны мінак заўважае, што вынікам рэканструкцыі стала знішчэнне бярозавай алейкі каля гэтага аб'екта. Людзі заўважаюць і іншыя сумныя пераўтварэнні, якія ў апошнія месяцы напаткалі горад.
Пенсіянер з Віцебска стаў ахвярай махляркі і прапаганды
75-гадоваму жыхару Віцебска ў мэсэнджэры патэлефанавала жанчына і назвалася супрацоўнікам службы фінансавых расследаванняў. Яна паведаміла мужчыне, што нібыта ад яго імя неўстаноўленыя асобы займаюцца фінансаваннем Узброеных сіл Украіны і за гэта яму пагражае суровае крымінальнае пакаранне. Трэба нагадаць пра тое, што ў мінулым годзе ў Віцебскай вобласці было ўчынена больш за 1,5 тысячы кіберзлачынстваў, матэрыяльны ўрон склаў звыш 2,5 млн. рублёў.