У лесе пад Хайсамі вандалы зноў раскапалі пахаваньні рэпрэсаваных за часамі сталінізму
У сёньняшнім стане лес, зьнявечаны сьвежымі раскопамі на вялікай плошчы, нагадвае месца жахлівага, наўмыснага зьдзеку з памяці бязьвінных ахвяраў сталінскіх катаў. Груды чалавечых костак і чарапоў вакол ямінаў – выяўны дыягназ, пастаўлены мясцоваму кіраўніцтву і грамадзкасьці, якая ў асноўнай сваёй масе не патрабуе ад уладаў ушанаваць ахвяраў і пакараць злачынцаў.
У Віцебску з ізалятара часовага ўтрыманьня выйшаў на волю сябра руху «За свабоду» Хрыстафор Жаляпаў
Нягледзячы на тое, што адвакатка Марына Гарбачова спрабавала аспрэчыць у судзе вышэйшай інстанцыі рашэньне судзьдзі Кастрычніцкага райсуду Сяргея Будрэвіча, які пакараў віцебскага актывіста 12-цю суткамі арышту за сьвяткаваньне Дня Волі, спадару Жаляпаву давялося адседзець увесь прызначаны яму тэрмін.
Выйшаў на волю аршанскі журналіст, пакараны за 25 сакавіка
Журналіста Арцёма Сізінцава, пакаранага дзесяцьцю соднямі за асьвятленьне сьвяткаваньня Дня Волі ў Віцебску, ля дзьвярэй ізалятара часовага ўтрыманьня (ІЧУ) сустрэлі родныя і калегі.
Віцебскую блогерку аштрафавалі на 345 рублёў за акцыю 25 сакавіка
Вользе Жураўскай так і не ўдалося пераканаць судзьдзю, што яна ня брала ўдзелу ў акцыі, а толькі здымала відэа для свайго каналу. Суд пастанавіў пакараць блогерку штрафам у памеры 15 базавых велічынь.
Віцебчукі абураныя закрытым судом над незалежным журналістам
Інцыдэнт здарыўся 27 сакавіка ў Кастрычніцкім райсудзе Віцебску, дзе судзьдзя Іна Грабоўская мусіла разьбіраць справу затрыманага напярэдадні журналіста Кастуся Мардзьвінцава. Перад пачаткам працэсу яна заявіла, што хоча праводзіць паседжаньне ў сваім габінэце, а таму нікога на разгляд ня пусьціць.
У Полацку судзілі актывістаў, затрыманых перад акцыямі 25 і 26 сакавіка
27 сакавіка былі разгледжаныя справы Віктара Стукава («Свабодны прафсаюз») і Юрыя Бельскага.
У Віцебску 27 сакавіка асудзілі адзінаццаць чалавек
У панядзелак, 27 сакавіка, у Віцебску прайшлі судовыя працэсы над людзьмі, якія былі затрыманыя напярэдадні, 25 і 26 сакавіка, падчас масавых акцыяў, што праходзілі ў горадзе.
- Віцебск
- Кастрычніцкі раён
- штраф
- адміністрацыйны арышт
- журналісты
- праваабаронцы
- Аліна Сільчанка
- Ганна Сьцяпура
- Кастусь Мардзьвінцаў
- Леанід Аўтухоў
- Хрыстафор Жаляпаў
- Арцём Сізінцаў
- Уладзь Камароўскі
- Вікторыя Гром
- Уладзімер Царыкаў
- Тацяна Жураўкова
- Іна Грабоўская
- Сяргей Будрэвіч
- Валянціна Міхасёва
- Ірына Трацьцякова
- Алеся Жарыкава
- Ігар Макарэвіч
- артыкул 23 34 КаАП
Віцебчукі адзначылі Дзень Волі
Нягледзячы на тое, што мясцовыя ўлады Віцебску забаранілі мітынгі ды шэсьце 25 сакавіка, апоўдні больш за сотню грамадзянаў выйшлі на плошчу Перамогі. Пасьля людзі прайшлі калёнай да помніку князю Альгерду, памятнай дошкі Васілю Быкаву і манумэнта Ўладзімеру Караткевічу, ушанаваўшы кветкамі гэтых знакавых асобаў беларускай нацыянальнай гісторыі.
Перад сьвятам: аблавы на партыйных і грамадзянскіх актывістаў
Пярэдадне 25 сакавіка ў Віцебскай вобласьці, як і па ўсёй краіне, адзначылася беспрэцэдэнтным ціскам з боку праваахоўных органаў на актывістаў грамадзянскай супольнасьці. Зьвесткі пра выклікі ў міліцыю, затрыманьні, ператрусы паступаюць увесь час.
Віцебскі гарвыканкам папярэдзіў ініцыятараў забароненых уладамі акцыяў
22 сакавіка заяўнікі мітынгаў і шэсьця на Дзень Волі сябра КХП БНФ Ян Дзяржаўцаў і старшыня абласной арганізацыі партыі БНФ Кастусь Смолікаў сустрэліся з прадстаўнікамі гарадзкіх уладаў. Днём раней яны былі запрошаныя ў габінэт № 108 гарадзкога выканаўчага камітэту, у якім месьціцца аддзел па рабоце з зваротамі грамадзянаў і юрыдычных асобаў. Як высьветлілася, на прафіляктычную гутарку.