У абноўлены 10 траўня «Пералік арганізацый, фармаванняў, індывідуальных прадпрымальнікаў, датычных да экстрэмісцкай дзейнасці» ўключылі ініцыятыву «Еўрапейскі выбар».  У спісе, якія складае Міністэрства ўнутраных спраў, прыгадваюцца таксама прозвішчы прадстаўнікоў ініцыятывы, сярод якіх – рэдактар інтэрнэт-выдання «Витебский курьер news» Аляксандр Корнышаў, які быў вымушаны ў 2020г. пакінуць Беларусь.
У замежжы Аляксандр Корнышаў разам з аднадумцамі заснаваў медыяпраект  «Навіны Варшавы», які займаецца відэаздымкамі і распавядае пра жыццё беларускай дыяспары ў польскай сталіцы.

Віталь Пахомчык, Віктар Пузан, Генадзь Гутар, Ірына Сталока, Аляксандр Цярлюк і Анатоль Астроўскі 16 красавіка  асуджаны судом Партызанскага раёна  Мінска  паводле ч.1 арт. 342 Крымінальнага Кодэкса (арганізацыя і падрыхтоўка дзеянняў, якія груба парушаюць грамадскі парадак, або ўдзел у іх).   Віталь Пахомчык, апрача  гэтага, тым самым судом асуджаны яшчэ й паводле арт 369 Крымінальнага Кодэкса (абраза прадстаўніка ўлады).

Праз мясцовую раённую газету і яе сайт “Лепельскі край” яны тлумачаць лепяльчанам, як трэба паводзіць сябе пры тэрарыстычнай пагрозе. Парады дае ўчастковы інспектар Лепельскага РАУС Аляксей Лаўрыненка.

Такую інфармацыю апублікавала кіраўніцтва ордэна аблатаў, да якога належаць  ксяндзы Анджэй Юхневіч і Павел Лемех.Прэс-сакратар польскай правінцы місіянераў аблатаў айцец Павел Гамуляк паведамляе, што прычынай затрымання стала «dywersyjna działalność». Гэтыя словы можна перакласці і як   «дыверсійная», і як «экстрэмісцкая» дзейнасць. Ксяндзоў шумілінскай парафіі затрымалі 8 траўня пасля святарскай сустрэчы ў касцёле Божай Маці Фацімскай.

Яго імя і прозвішча з'явілася ў пераліку асобаў, якія маюць дачыненне да экстрэмісцкай дзейнасці, - гэты спіс складае МУС.  Паводле яго, мужчына ўжо адбывае пакаранне, раней яго ўтрымлівалі ў віцебскім СІЗА-2. Сяргей Мельнікаў быў асуджаны судом Віцебскага раёна за абразу Аляксандра Лукашэнкі ( ч.1 арт. 368 Крымінальнага кодэкса), вырак прагучаў 28 сакавіка. Мельнікаў яго не аспрэчваў.

Гэтую навіну са спасылкай або на тэлеграм-канал МУС,  або на БЕЛТА перадрукавала абсалютная большасць дзяржаўных  СМІ Віцебскай вобласці. Прычым у варыянце публікацыі яе з БЕЛТА навіна захоўвае аб'ектыўны падыход: паведамленне ў газеце «Лепельскі край» называецца «Задержали наркозависимого с большим арсеналом оружия». Іншыя мясцовыя інтэрнэт-выданні падкрэслілі, што гэта быў «экстрэміст», які «пісаў паведамленні ў дэструктыўныя Тэлеграм-каналы». Навошта гэта зроблена?

Апошнія гады беларус працаваў у Расіі, і яго абвяскілі ў міжнародны вышук  за каментар у сацсетцы "Вконтакте"  пра Максіма Міховіча - камандзіра АМАП Брэсцкай вобласці.  23 верасня 2022 г. яго затрымалі ў Маскве і змясцілі пад варту. Як было агучана на судзе ў Брэсце, Генпракуратура Расіі адмовіла ў выдачы Пратасевіча ў Беларусь з прычыны адсутнасці ў яго дзеяннях злачынства па расейскіх законах. Тым не менш, яго выслалі з суседняй дзяржавы па працэдуры "парушэння міграцыйнага заканадаўства" і перадалі ў Беларусь. Тут яго трымалі пад вартай з 7 лістапада 2022г. і да суду 12 студзеня 2023 года.

3 красавіка суд Вушацкага раёна Віцебскай вобласці пастанавіў лічыць «экстрэмісцкай інфармацыйнай прадукцыяй» змест старонкі    «andrew_fanatik" у Instagram з ідэнтыфікатарам  https://www.instagram.com/andrew_fanatik. На гэтай старонцы можна ўбачыць выявы легендарнага «жывемабіля» - мікрааўтобуса VW Transporter T3 , які Андрэй Кулакоў перафарбаваў у колеры нацыянальнага сцяга, і які ездзіў па Віцебску ў дні грамадскіх пратэстаў 2020г.  Таксама там ёсць і выявы «украінамабіля» - мікрааўтобуса, набытага пасля ад'езду з Беларусі, на якім Андрэй Кулакоў займаўся валанцёрскай дзейнасцю ў пасля нападу на Украіну.

Рашэнне пра гэта прыняў 29 сакавіка суд Цэнтральнага раёна Мінска, 2 красавіка звесткі наконт прызнання экстрэмісцкім відэароліка "Белорусские Врачи против лжи о коронавирусе! Обращение медработников Витебска к властям о COVID-19" (https://www.youtube.com/watch?v=QlAius7Ja8c) з'явіліся ў «Рэспубліканскім спісе экстрэмісцкіх матэрыялаў», які складае Міністэрства інфармацыі РБ.

Туды трапілі палітзняволены Уладзімір Лісіца, асуджаны да трох гадоў пазбаўлення волі паводле арт. 369 Крымінальнага кодэкса (Абраза прадстаўніка ўлады) і 45-гадовая жыхарка Віцебска Валерыя Іванова, асуджаная паводле таго д крымінальнага артыкула. Звестак пра справу жынчыны ў адкрытых крыніцах няма: вядома толькі, што 6 снежня мінулага года яе судзілі ў Кастрычніцкім райсудзе Віцебска, і што сёлета 1 сакавіка Віцебскі абласны суд разбіраў яе апеляцыйную скаргу. Выглядае, што там падтрымалі рашэнне суда першай інстанцыі: у «экстрэмісцкі спіс» людзей звычайна дадаюць пасля таго, як прысуд уступіў у законную сілу.