Мірсалімава прапануе размясціць на білбордах «российских героев СВО» замест надпісаў па-беларуску
Віцебская апалагетка «русского мира» Эльвіра Мірсалімава лічыць, што беларусаў трэба прыцягваць да вайны ва Ўкраіне «у аблегчаным варыянце». Заявіўшы, што расейскае кіраўніцтва, напэўна, мае свае рэзоны, калі не патрабуе непасрэднага ўдзелу Беларусі ў так званай «СВО» - «Специальной военной операции», яна прапануе мясцовым чыноўнікам ўсё ж такі арганізаваць пэўныя захады, «каб беларускае грамадства не скатвалася ў антырасейскую рыторыку». Ідэя размясціць на білбордах партрэты расейскіх вайскоўцаў, якія ваююць ва Ўкраіне, «замест бясконцых бела-чырвоных арнаментаў і надпісаў «Мама =мова» далёка не адзіная. Але чым далей сягаюць фантазіі Мірсалімавай, тым больш смешна выглядаюць яе спробы прасоўваць «русский мир» у Віцебску.
Пастара з Новалукомля суд паўторна арыштаваў на 15 сутак
Суддзя суда Чашніцкага раёна Ірына Кручыніна 12 траўня разгледзела адміністрацыйную справу ў дачыненні да пастара евангельскай царквы г. Новалукомль Аляксандра Зарэцкага. І за распаўсюд «экстрэмісцкіх» матэрыялаў у сацыяльных сетках, пакарала яго арыштам на 15 сутак. Раней, 21 красавіка, тая ж суддзя арыштавала пастара на той жа тэрмін па ч.2 арт. 19.11 (Распаўсюджванне, інфармацыйнай прадукцыі, якая змяшчае заклікі да экстрэмісцкай дзейнасці) КаАП.
У Віцебску абмяркоўваюць магчымасць дэкамунізацыі мясцовых назваў
Дыскусія распачалася пасля апошняга суботніка, падчас якога было абвешчана добраўпарадкаванне гарадскога Парку імя 30-годдзя ВЛКСМ. Як высветлілася, многія гараджане нават не ведалі, што пляцоўка за басейнам «Камсамолец», засаджаная рэдкімі дрэвамі – гэта і ёсць парк. Ужо не кажучы пра тое, што не ўсе віцябляне-сучаснікі памятаюць, што такое ВЛКСМ. Ідэю добраўпарадкавання землякі ўхвалілі, бо ў так званым парку няма нават лавачак – не тое што забаўляльных атракцыёнаў. Простай магчымасці прагуляцца тут таксама няма: сцежкі з выбоінамі, сходы да Дзвіны вышчарбленыя, а таму гэтае месца даўно стала прывабным для аматараў алкаголю, а не здаровага ладу жыцця. А калі ўжо наводзіць парадак, то ці не пачаць з назвы?
У Шаркаўшчыне стварылі раённае аддзяленне праўладнай партыі "Белая Русь"
Яе ўзначаліць галоўны ідэолаг раёна. Пра гэта паведамляе мясцовая раённая газет “Кліч Радзімы”, ва ўстаноўчай канферэнцыі па стварэнні раённага аддзялення "Белай Русь" удзельнічалі 32 дэлегаты.
Студэнты ПДУ пра арыштаваных выкладчыкаў: «Некаторых ужо звольнілі «заднім чыслом»
Паводле студэнтаў Полацкага дзяржаўнага ўніверсітэту, ім ніхто не тлумачыць, з якой прычыны адмяняюцца заняткі. Навучэнцам самім давялося шукаць выкладчыка фізкультуры Сяргея Рыкуна, які ў прызначаны час не з“явіўся на кафедры фізічнага выхавання. Урэшце маладым людзям паведамілі, што «Сяргей Пятровіч звольніўся». Адначасова па ВНУ прайшла інфармацыя, што малады выкладчык асуджаны на 15 сутак разам з некаторымі іншымі калегамі.
Памёр віцебскі краязнаўца, даследчык камуністычных рэпрэсій Уладзімір Іваноў
У апошнія гады ён сам-насам змагаўся з цяжкай хваробай: склалася так, што блізкіх сваякоў у Віцебску ў яго не засталося. Таму звесткі пра тое, што Уладзіміра Іванова больш няма з намі, да грамадскасці гораду дайшлі не адразу. Па сабе ён пакінуў добрую памяць і некалькі грунтоўных даследаванняў, у тым ліку пра камуністычныя рэпрэсіі на Віцебшчыне ў перыяд з 1918 па 1950-я гады.
Чарговая зачыстка ў Глыбокім
Як стала вядома, у пятніцу, 26 траўня, у Глыбокім міліцыянты правялі шэраг ператрусаў. Адну жанчыну затрымалі, але пасля адпусцілі.
Уніяцкага святара з Полацку асудзілі на 15 сутак арышту
Аляксандра Шаўцова, настаяцеля грэка-каталіцкай парафіі Святога пакутніка Язафата, суд Полацку і Полацкага раёну прызнаў вінаватым за «распаўсюд экстрэмісцкай інфармацыі». Святара асудзілі паводле артыкула 19.11 КаАП за рэпосты матэрыялаў сайта "Хартыя-97" у сацыяльнай сетцы "ВКонтакте".
Дэпутат Палаты прадстаўнікоў Нацыянальнага сходу Ігар Мартынаў палохае жыхароў Чашніччыны міжнародным тэрарызмам
Раённая газета «Чырвоны прамень» узяла інтэрв“ю у намесніка старшыні Пастаяннай камісіі Палаты прадстаўнікоў па нацыянальнай бяспецы Ігара Мартынава. Спадар Мартынаў балатаваўся ў дэпутаты па Лепельскай выбарчай акрузе №23, у межы якой уваходзілі Лепельскі, Чашніцкі і Бешанковіцкі раёны. Таму чашніцкая «раёнка» распытала свайго дэпутата пра тое, «каму патрэбныя тэракты ў Беларусі». Гаворка вялася пра нядаўні фільм «Убойная посылка», паказаны на ОНТ.
Улады аб'явілі аб пачатку абласнога конкурсу для асемяніцеляў кароў і свінаматак
Віцебскі аблвыканкам 20 сакавіка аб'явіў рэгіянальны конкурс майстэрства сярод работнікаў па штучным асемяненні сельскагаспадарчых жывёл. Згодна з умовамі конкурсу ў запланаваным мерапрыемстве прымуць удзел 42 асемяніцелі кароў і свіней. Пераможцы конкурсу атрымаюць дыпломы і прэміі, а таксама званні "Лепшы аператар па штучнаму асемяненню буйной рагатай жывёлы" і "Лепшы аператар па штучнаму асемяненню свіней".