Шумілінскія чыноўнікі адрадзілі савецкую традыцыю
У Шуміліне 28 красавіка адбылося ўрачыстае адкрыццё абноўленай Дошкі гонару Шумілінскага раёна, на якую занесены 14 работнікаў і 7 арганізацый і калектываў. На думку чыноўнікаў, пераможцы дасягнулі найлепшых паказчыкаў у мінулым 2022 годзе. Улады, акрамя дыпломаў, выплацілі намінантам прэміі: арганізацыям па 555, а работнікам па 370 рублёў.
Буйны штраф і пераразлік
Гэтым пужаюць улады браслаўчанам за самавольнае падлучэнне да сістэмы водазабеспячэння.
Пракурор Антон Васілевіч папярэдзіў жыхароў Віцебшчыны пра наступствы пікетавання ў інтэрнэце
У рубрыцы «Правовой ликбез» старшы пракурор аддзела Віцебскай абласной пракуратуры тлумачыць чытачам газеты «Витебские вести», што сёння пакараць могуць нават за тое, чаго няма ў «Кодэксе аб адміністрацыйных правапарушэннях Рэспублікі Беларусь». У прыватнасці, у артыкуле 24.23 КаАП «парушэнне парадку арганізацыі і правядзення масавых мерапрыемстваў» нічога не сказана пра тое, што размяшчэнне фотаздымкаў у Інтэрнэце з'яўляецца пікетаваннем. І што, адпаведна, на гэта таксама трэба браць дазвол у мясцовых уладаў.
Суд пакараў штрафам рабочую за адну фатаграфію ў сацыяльнай сеткі
Суддзя суда Міёрскага раёна Ірына Яскевіч аштрафавала на 740 рублёў мясцовую жыхарку прыбіральшчыцу памяшканняў Вольгу Рынкевіч, якая выхоўвае малалетняга сына. Падставай адміністрацыйнага пакарання стала, на думку ўладаў правядзенне Вольгай пікета ў Інтэрнэце.
«Экстрэмісцкай» прызналі яшчэ і Twitter-старонку Ігара Палынскага
У спіс «экстрэмісцкіх матэрыялаў», складзены МУС, трапіла старонка «Ігар Вожык Палынскі» ў Twitter, якая належыць ураджэнцу Полацку, музыку і журналісту. Ужо не першы год Ігар Палынскі вымушана жыве ў замежжы, а ў Беларусі тым часам прызнаныя «экстрэмісцкімі» ягоная старонка ВКонтакте і два відэакліпы да песняў, выкананых полацкім гуртом «Sumarok». Палынскі – і стваральнік гэтага гурта, і аўтар музычных твораў.
Глыбоцкія журналісты выйгралі справу супраць Беларусі
Камітэт па правах чалавека рагледзеў звароты беларускіх журналістаў з Глыбокага Таццяны Смоткінай і Змітра Лупача і прызнаў Беларусь вінаватай у парушэнні іх правоў на законнае права збіраць і распаўсюджваць інфармацыю. Гэтае права замацаванае артыкулам 19 Міжнароднага пакта аб грамадзянскіх і палітычных правах.
На Браслаўшчыне ўладальнікам прыватных дамоў нагадалі пра абавязак утрымліваць прылеглую тэрыторыю ў парадку
Як зазначыла памочнік лекара-гігіеніста Таццяна Шкрабава, тэрыторыі ў раёне шматкватэрнай забудовы знаходзяцца на абслугоўванні камунальнай службы Браслаўскага раёна. А ў прыватным сектары жыхары павінны самі сачыць за падтрыманнем парадку на прылеглай да іх домаўладання тэрыторыі.
Віктар Бабарыка знаходзіцца ў хірургічным аддзяленні наваполацкага шпіталя
Пра тое, што ўночы з 24 на 25 красавіка зняволенага палітыка даставілі з ПК 1 у мясцовы шпіталь з цялеснымі пашкоджаннямі, паведаміў учора тэлеграм-канал "Рабочы рух" са спасылкай на адразу некалькі ананімных крыніцаў. Пазней з“явіліся падрабязнасці здарэння: палітвязень трапіў у хірургічнае аддзяленне са слядамі збіцця і пнеўматораксам, ён у стане сярэдняй цяжкасці. Святлана Ціханоўская выступіла з заявай у сваім тэлеграм-канале, дзе запатрабавала, каб Віктара Бабарыку паказалі грамадскасці і афіцыйна засведчылі ягоны стан, і каб да яго дапусцілі адваката і сваякоў.
Палітвязень Аляксандр Капшуль увайшоў у тройку фіналістаў Прэміі за глабальную абарону (Global Advocacy Award)
Былы юрысконсульт ААТ "Нафтан", асуджаны да 15 гадоў зняволення ў калоніі ва ўмовах узмоцненага рэжыму, стаў адным з трох галоўных прэтэндэнтаў на прэстыжную міжнародную праваабарончую прэмію. Адвакаты Гарвардскай школы права (Advocates) і Гарвардскі часопіс па правах чалавека (HHRJ) штогод уручаюць яе праваабаронцу, чыя праца натхняе пачаткоўцаў прысвяціць сябе прасоўванню правоў чалавека і адстойванню чалавечай годнасці.
Віцебскія ўлады спадзяюцца на развіццё гандлёвых адносінаў з Кітаем
Як паведамляюць у камітэце эканомікі Віцебскага аблвыканкама, прадпрыемствы Віцебскай вобласці з пачатку года паставілі ў рэгіёны Кітая прадукцыю больш як па 10 таварных пазіцыях. Там адзначылі, што ў студзені-лютым вобласць паставіла ў КНР прадукцыю па 13 таварных пазіцыях, яны мяркуюць, што да канца года гэты спіс пашырыцца да 20. Для параўнання, больш за 780 прадпрыемстваў Віцебскай вобласці адгружаюць прадукцыю ў расійскія рэгіёны, гэта каля 1,3 тысяч таварных пазіцый на суму больш як 1 мільярд даляраў ЗША.