Не так даўно, выйшла сёмае выданне “Шэрая кніга” у якой падаецца хроніка парушэнняў правоў чалавека ў Віцебскім рэгіёне са студзеня па снежань 2023 года. Аб’ём кнігі складае 137 старонак, на якіх распавядаецца пра 429 выпадка парушэння ўладамі грамадскіх і палітычных правоў жыхароў вобласці. Калі параўноўваць з мінулым годам, колькасць зафіксаваных парушэнняў у Віцебскай вобласці павялічылася ў два разы.

Згодна са статыстыкай, у 2023 годзе, судамі першай інстанцыі за заняцце прастытуцыяй (ч.1 арт.19.5 КаАП РБ) было вынесена 54 пастановы ў дачыненні да 44 жанчын і 10 мужчын, якія пражывалі на тэрыторыі Віцебскай вобласці. За тры месяцы бягучага года за аказанне інтымных паслуг судамі былі пакараныя 22 чалавекі (19 жанчын і 3 мужчыны). Найбольш прастытуіраванымі гарадамі з'яўляюцца Віцебск, Орша, Полацк і Наваполацк.

З-за імклівага старэння насельніцтва ўлады Віцебскай вобласці сёлета плануюць дадаткова адкрыць 18 сацыяльных пунктаў, тады іх агульная колькасць стане роўнай 256-і. Для параўнання ў мінулым, 2023 годзе ў вобласці было адкрыта толькі шэсць стацыянарных сацпунктаў для аказання дапамогі пажылым грамадзянам і інвалідам. Неабходна адзначыць, што сацыяльныя паслугі, якія аказваюцца насельніцтву работнікамі СП носяць платную аснову.

Стала вядома пра тое, што некалькі дзён таму па ініцыятыве ўладаў і са згоды 78-гадовага мастацкага кіраўніка віцебскага тэатра Віктара Клімчука, ён быў звольнены са сваёй пасады. Яго абвінавацілі ў невыкананні планаў, якія чыноўнікі ад культуры паставілі перад тэатрам, ягоным творчым кіраўніком і калектывам артыстаў.