Прадаўца хочуць аштрафаваць за продаж піва падлетку: «Але я гэтага не рабіла!»
– Я 17 гадоў у гандлі, і ніводнага прэцэдэнту, а тут мяне абвінавачваюць у тым, што прадала піва непаўнагадовай. Але я гэтага не рабіла! У мяне і сьведкі ёсьць, – паскардзілася журналістам Вольга Пашковіч з Глыбокага. – Прыйшла СМС: справа перададзеная ў суд. Мне пагражае штраф у чатыры мільёны. Але праблема нават ня ў грошах, бо вядзецца пра маю рэпутацыю.
Вярхоўны суд не задаволіў скаргу журналісткі Тацяны Смоткінай
У ліпені мінулага году Тацяна Смоткіна была аштрафаваная на 4,5 мільёну рублёў паводле артыкулу 22.9 КаАП: Глыбоцкі райсуд прызнаў яе вінаватай у незаконным вырабе прадукцыі СМІ і працы на замежнае выданьне без акрэдытацыі. Абскардзіць судовае рашэньне ёй не ўдалося.
Арыштаваны віцебскі арганізатар дабрачынных спраў
Заснавальнік дабрачыннага фонду «Добро твори» Дзяніс Тамашэвіч абвінавачваецца ў махлярстве. Яго падазраюць у выкарыстаньні для ўласных патрэбаў грошай, ахвяраваных на дабрачыннасьць. Абвінавачанаму 23 гады, паходзіць ён зь Віцебску.
Полацкі малочны камбінат пераходзіць на няпоўны працоўны тыдзень
Рабочых, ня згодных з такой пастановай, будуць звальняць. Пра гэта гаворыцца ў распараджэньні дырэктара ТАА «Полацкі малочны камбінат» Уладзімера Яцкевіча, якое 22 сакавіка было разасланае работнікам прадпрыемства.
Глыбоцкія камунальнікі цэлую гадзіну ехалі на ліквідацыю аварыі
Хаця адлегласьць да месца аварыі ня больш за паўтара кілямэтру.
Жыхарка Віцебску знайшла працу з заробкам у 2 мільёны рублёў і страціла руку
Віцяблянка Вольга Таўпянец знаходзілася ў актыўных пошуках працы. Швачка па адукацыі, яна ўбачыла, што на дрэваапрацоўчым прадпрыемстве «ДэліОст» патрэбныя людзі. Яе ўзялі вучнем сартавальніка драўніны, а неўзабаве паставілі на станок з чатырма піламі. З-за гэтага злашчаснага станка яна і страціла руку.
Віцебск адсьвяткаваў 25 Сакавіка (фота)
За час уладараньня цяперашняга кіраўніка дзяржавы шмат хто зь беларускіх грамадзян забыліся на такое сьвята, як Дзень Волі. Але штогод знаходзяцца асобы, якія ня толькі памятаюць пра дату абвяшчэньня Беларускай Народнай Рэспублікі ў 1918 годзе, але і нагадваюць пра сьвята 25 Сакавіка іншым.
«Советская Белоруссия»: Апазыцыянэры толькі балбочуць, лайдачаць, інтрыгуюць і падстаўляюць адно аднаго
Газэта «Советская Белоруссия», орган Адміністрацыі прэзыдэнта, апублікавала артыкул пра актывіста апазыцыйнай Аб'яднанай грамадзянскай партыі зь Мёраў. Карэспандэнт газэты піша, што ў рэдакцыю прыйшоў ананімны ліст зь Мёрскага раёну. Аўтар ліста пісаў пра апазыцыянэра Віктара Шульгу, які дзеля прынцыпу адмовіўся выконваць рашэньне партыі аб байкоце прэзыдэнцкіх выбараў у 2015 годзе.
Фотавыставу, прысьвечаную Барысу Хамайду, прэзэнтуюць 25 сакавіка
Да Дня Волі незалежныя журналісты Віцебску зладзяць фотавыставу, прысьвечаную Барысу Хамайду, легендарнаму апазыцыйнаму актывісту, распаўсюдніку дэмакратычнай прэсы. Арганізатары мерапрыемства мяркуюць, што прыемным сюрпрызам для іх фотагероя стане ўручэньне яму «гістарычных» фотаздымкаў 20-гадовай даўніны.
На «Шкловалакне» хочуць пазбавіцца ад прафсаюзнага актывіста
Адміністрацыя ААТ «Полацак-Шкловалакно» ня хоча працягваць кантракт зь Мікалаем Шарахам, актывістам Свабоднага прафсаюзу Беларускага. Начальнік цэху №7 Аляксандар Сапега пісьмова (на блянку прадпрыемства) апавясьціў Мікалая аб рашэньні спыніць зь ім працоўныя адносіны з 30 красавіка. За месяц да таго дырэктар заводу спадар Бунакоў і Белхімпрафсаюз адмовіліся ўключыць Мікалая Шараха ў склад камісіі прадпрыемства па калектыўных перамовах.