Намеснік старшыні Мёрскага райвыканкама сустрэўся з калектывам магазіна "Санта", каб паразмаўляць пра “Арэшнік”
Сайт мёрскай раёнкі “Міёрскія навіны” паведаміў пра сустрэчу намесніка старшыні Мёрскага райвыканкама Андрэя Пуйшы з калектывам магазіна «Санта». Сустрэча праводзілася 19 лютага падчас так званага Адзінага дня інфармавання. Тэма для размовы з калектывам крамы, у якой пераважаюць жанчыны, была абраная наступная: “Абарончая моц беларускай арміі і патрыятызм у сучасных умовах”.
Мікалай Статкевіч выйшаў на волю
Пра гэта паведаміла ягоная жонка Марына Адамовіч, апублікаваўшы ў Фэйсбуку сумесны здымак. Паводле яе, Мікалай перанёс інсульт і пакуль мае праблемы з мовай. Як паведаміў каардынатар «Еўрапейскай Беларусі» Зміцер Бандарэнка, які змог паразмаўляць з вызваленым 19 лютага Мікалаем Статкевічам, перад тым палітвязень месяц правёў у рэанімацыі.
Міліцыя зафіксавала 58 несанкцыянаваных масавых мерапрыемстваў, праведзеных летась на Віцебшчыне
«Белпол» атрымаў унутраны міліцэйскі дакумент пра статыстыку злачыннасці, у тым ліку "экстрэмісцкай", і барацьбу з ёй у Віцебскай вобласці ў 2025 годзе. Аказалася, што ў Віцебску цягам гэтага часу былі праведзены 34 несанкцыянаваных масавых мерапрыемстваў, у Полацку -10 , іншыя месцы не ўказаны. Апроч гэтага, былі ўстаноўлены 393 чалавекі, датычных да "экстрэмісцкіх" злачынстваў. Падобна, што значная колькасць з іх - гэта фігуранты "справы Гаюна".
Віцебскі аблвыканкам адмяніў уласныя рашэнні пра заснаванне прэмій імя Уладзіміра Караткевіча і Петруся Броўкі
На партале pravo.by выкладзена рашэнне Віцебскага аблвыканкама ад 9 лютага 2026г. №66 “О признании утратившими силу решений Витебского областного исполнительного комитета”. У ім гаворыцца пра адмену ранейшых рашэнняў віцебскіх абласных уладаў наконт заснавання прэмій імя Уладзіміра Караткевіча, імя Петуся Броўкі, а таксама прэміі за высокія творчыя дасягненні ў галіне культуры і мастацтва. Дакумент падпісаны новым старшынём Віцебскага аблвыканкама Аляксандрам Рагожнікам, які адпрацаваў на гэтай пасадзе менш за месяц.
Сродкі для Паўла Севярынца сабралі менш чым за суткі!
Нагадаем, праз BYSOL экс-палітвязень, палітык і пісьменнік абвясціў збор на здзяйсненне сваіх новых грамадскіех праектаў. Ён збіраецца стварыць і развіваць ютуб-канал, выпусціць серыю ролікаў па гісторыі і менталітэце беларусаў, выдаць кнігі, напісаныя ў зняволенні, і правесці шэраг прэзетацый.
Прадпрыемствы Віцебшчыны, якія працуюць “на вайну” – іх прадукцыя ідзе на ўзбраенне Расіі
Адпаведны пералік склаў BELPOL, апублікавана яшчэ толькі першая частка гэтага спіса, і ў ім 5 прадпрыемстваў з Віцебска і Оршы. “Мы - беларусы, мірныя людзі, сэрцам адданыя роднай зямлі”, - так гучаць першыя радкі дзяржаўнага гімна РБ. Але ці так яно на справе, калі беларускія прадпрыемствы фактычна апынуліся на баку нападнікаў на Украіну, тым часам як афіцыйная рыторыка кажа зваротнае: мы, маўляў выключна за мір?
BYSOL абвясціў збор на дапамогу Паўлу Севярынцу
Экс-палітвязень, пісьменнік, мастак, палітык быў затрыманы ў 2020-м годзе і асуджаны да 7 гадоў зняволення за “падрыхтоўку да ўдзелу ў масавых беспарадках”. 5 з паловай гадоў ён правёў за кратамі, быў вызвалены летась 13 снежня і прымусова дэпартаваны з Беларусі. Цяпер у Літве разам з сям’ёй ён пачынае жыццё з нуля. Павел Севярынец мае вялікія планы, звязаныя з публічнай дзейнасцю, і просіць падтрымкі менавіта на гэта.
За адну базавую на аўкцыёнах Віцебшчыны прапануюць 133 аб’екты нерухомасці
Сярод іх шэраг школ, дзіцячых садкоў, клубаў, былы дзіцячы летнік, цагельня, кандытарскі цэх ды іншыя вытворчыя памяшканні.
"Экстрэмісцкіх" інфармацыйных матэрыялаў усё болей
Пракуратуры спаборнічаюць у тым, каб знайсці паболей "экстрэмісцкіх" рэсурсаў у інтэрнэце. Суды безадмоўна прымаюць адпаведныя рашэнні. Нават у тых выпадках, калі інтэрнэт-рэсурсы тэрытарыяльна не маюць дачынення да рэгіёна, у якім знаходзіцца пракуратура ці суд. Прыклад таму - апошнія папаўненні Рэспубліканскага спіса экстрэмісцкіх матэрыялаў, у які трапіў акаўнт экс-палітзняволенай аршанкі ў TikTok і Telegram-канал "Беларуская афiша" пра культурніцкія падзеі ў Вільні.
Яшчэ некалькі кар’ерных узлётаў для суддзяў, якія выносілі выракі па палітычна матываваных справах
Як мы ўжо пісалі, паводле Указа Аляксандра Лукашэнкі “Аб прызначэнні і вызваленні суддзяў” №46 ад 12 лютага на падвышэнне пайшла суддзя Іна Грабоўская – яна вынесла прысуд ксяндзу Анджэю Юхневічу і неаднаразова карала суткамі і арыштамі жыхароў Віцебска і Шуміліна. Замест яе на пасаду старшыні Шумілінскага райсуда прызначана Ірына Жарова. Яе перавялі з Наваполацкага гарадскога суда. Там, на пасадзе суддзі, сярод іншых яна пакарала за ўдзел у пратэстах 2020 г. расонскага прадпрымальніка Дзмітрыя Цюкаева.